Leiðbeiningar eftir skurðaðgerð í munni

Almennar upplýsingar

Til að sárið grói sem best er mikilvægt að

• Forðast að sleikja eða sjúga sárið
• Forðast að snerta sárið með fingrum eða verkfærum
• Forðast tóbak og áfengi fyrstu vikuna
• Forðast líkamlega áreynslu í c.a. 5 daga
• Fljótandi fæði fyrstu tvo dagana og mjúkt fæði þar til saumar eyðast eða eru teknir
• Forðast að neyta vökva með röri
• Forðast heita drykki
• Forðast kornótta fæðu, t.d. jarðarber, chia, músli osfrv.

Verkir

Búast má við eymslum eða verk í sárinu fyrstu dagana

• Mikilvægt er að nota verkja- og bólgueyðandi lyf eftir þörfum
• Mikilvægt að taka verkjalyf fljótlega eftir aðgerð
• Gott að byrja á 2x parkodin eftir aðgerð og svo á 4 klst fresti út aðgerðardag
• Ekki má taka sterk verkjalyf á tóman maga og mikilvægt er að drekka nóg af vökva á meðan inntöku á parkodin stendur

Gott að vita

Það er eðlilegt að það komi fram bólga eftir aðgerð. Hún nær hámarki á öðrum degi eftir aðgerð og oftast horfin alveg eftir 7-10 daga. Mar á kinn er heldur ekki óeðlilegt

• Gott er að kæla svæðið utan á kinn á aðgerðardag
• Kæling dregur úr verkjum og bólgu
• Kæling flýtir fyrir að blóðið storkni

Burstið tennur en snertið ekki sárið með tannburstanum. Bursta í átt frá sári.
Eftir burstun skal skola munninn með bakteríudrepandi munnskoli 2x á dag í viku 1 mín í senn.

Góð munnhirða er nauðsynleg eðlilegri græðslu sára.