Leiðbeiningar eftir tannúrdrátt

Almennar upplýsingar

• Ekki skola munninn fyrstu klukkustundirnar eftir aðgerð
• Það er í lagi að drekka kalda tæra drykki – ekki velta í munninum
• Það er í lagi að bursta tennurnar en varastu að bursta sárið.
• Gott er að skola munninn 2x á dag í 5-7 daga með klórhexidin munnskoli (Corsodyl/Gum paroex)
• Ekki byrja að skola fyrr en daginn eftir aðgerð
• Fljótandi og mjúk fæða er æskileg eftir úrdrátt
• Varastu kornóttan mat t.d. músli, korn í brauði, chia ofl.
• Ekki nota sogrör og borðaðu aðeins kaldan mat fyrsta sólarhringinn

Sárið og verkir

• Eðlilegt er að bólga komi fram eftir úrdrátt sem nær hámarki á öðrum degi eftir úrdrátt og er oftast horfin eftir viku. Gott er að kæla aðgerðarsvæði samdægurs með kælipoka utan á kinn
• Væg blæðing er eðlileg fyrsta sólarhringinn og getur munnvatn verið blóðlitað
• Ef blæðir er gott að leggja hreina grisju yfir sárið og bíta þétt í 5-10 mínútur
• Búast má við eymslum og verk í sárinu fyrstu dagana
• Notaðu verkjalyf eftir þörfum
• Almennt er ekki þörf á að ávísa sýklalyfjum eftir úrdrátt hjá heilbrigðum einstaklingum
• Ef sýklalyfjum er ávísað er mikilvægt að taka þau og klára skammtinn

Hafðu samband ef

• Verkir versna á 3-4 degi eftir aðgerð, þá getur verið að blóðstorkan í sárinu hafi losnað, þetta er nefnt „Dry Socket“ og er einfalt að meðhöndla
• Skrifað hefur verið uppá sýklalyf og aukaverkanir gera vart við sig

Verkjalyf

• Ef skrifað hefur verið út bólgueyðandi verkjalyf eins og Íbúfen eða Voltaren er gott að taka paracetamól (t.d. Panodil eða Paratabs) samhliða því.
  Fullorðnir (18+) taka 400-600mg af bólgueyðandi lyfi og 500-1000mg af paracetamóli 3-4x á sólarhring.
• Bólgueyðandi verkjalyf geta valdið óþægindum í maga, ef þú verður var við slík óþægindi skaltu hætta töku þeirra.

Reykingar geta haft mjög slæm áhrif á sáragræðslu.